హైదరాబాద్లోని ఘట్కేసర్–పోచారం ఐటీ కారిడార్ పోలీస్ స్టేషన్ పరిధిలో ఓ మహిళపై ఆటో డ్రైవర్ అత్యాచారానికి పాల్పడిన ఘటన తీవ్ర కలకలం రేపింది. అనారోగ్యంతో ఉన్న మహిళను ఆస్పత్రికి తీసుకెళ్తానని నమ్మించిన నిందితుడు, ఆమెకు ఇచ్చిన కూల్డ్రింక్లో మత్తుమందు కలిపి తాగించాడు.
పానీయం తాగిన కొద్దిసేపటికే మహిళ స్పృహ కోల్పోవడంతో, ఆటోను నిర్మానుష్య ప్రాంతానికి తీసుకెళ్లి ఆమెపై అత్యాచారానికి పాల్పడ్డాడు. అనంతరం బాధితురాలి వద్ద ఉన్న మొబైల్ ఫోన్, నగదును దోచుకుని అక్కడి నుంచి పరారయ్యాడు.
కొంతసేపటి తర్వాత స్పృహలోకి వచ్చిన బాధితురాలు జరిగిన విషయాన్ని గుర్తించి పోలీసులను ఆశ్రయించింది. ఆమె ఫిర్యాదు మేరకు కేసు నమోదు చేసిన పోలీసులు దర్యాప్తు చేపట్టి నిందితుడిని అరెస్ట్ చేశారు. అనంతరం అతడిని కోర్టులో హాజరుపరచగా, న్యాయస్థానం రిమాండ్కు పంపింది.
పోలీసులు కేసు దర్యాప్తును కొనసాగిస్తున్నారు. ఘటన స్థానికంగా తీవ్ర కలకలం రేపింది.
